Qazaqstanda tanymal týrıstik baǵyttar meteorologııalyq monıtorıngpen qamtylady, dep habarlaıdy Egemen.kz.
Qazgıdromet Qazaqstannyń týrıstik aımaqtaryna úsh avtomatty meteorologııalyq stansııa (AMS) ornatty: Sharyn shatqaly (Sharyn AMS), Kólsaı kóli (Kólsaı AMS) jáne Túrgen shatqaly (Túrgen AMS).
Qoryqtar ishinde ornalasqan osy úsh aımaqty tańdaýǵa óz betimen saıahattaýshylar men týrıstik fırmalar úshin naqty aýa raıy boljamy qajet ekeni sebep boldy. «Jurt kóp jınalatyn tanymal týrıstik marshrýttar aımaǵyna AMS-ty ornalastyrý kelýshilerge qolaısyz meteorologııalyq jaǵdaılar, aýa raıynyń kúrt ózgerýi jáne daýyldar týraly eskertý qajettiginen týyndap otyr», delingen habarlamada.Alda basqa da tanymal týrıstik baǵyttardy monıtorıngimen qamtý kózdelip otyr.