Qazirgi tańda shet memleketterde qazaqtildi 88 BAQ jumys istep tur. Bul týraly «Otandastar qory» KEAQ vıse-prezıdenti Maǵaýııa Sarbasov málim etti, dep habarlaıdy Egemen.kz.
«Dúnıejúzi qazaqtarynyń quryltaıynda QR Tuńǵysh Prezıdenti-Elbasy qandastar máselesin únemi kóterip keledi. Memleket basshysy Qasym-Jomart Toqaev ta sheteldegi qandastardy Otanǵa qaıtarýǵa qatysty birqatar tapsyrmany júktedi.
Osy baǵytta bizdiń qordyń da óz mindet-maqsaty bar. Biz elimizdiń Syrtqy ister, Aqparat jáne qoǵamdyq damý mınıstrlikterimen birlesip jumys istep jatyrmyz. Keńes Odaǵy quldyraǵan kezde Qazaqstannan tys jerde 5 mıllıonnan astam qazaq turǵan deıdi. Qazirgi tańda keıbir saraptamalyq málimetterge sáıkes álemniń 40-tan astam elinde qandas baýyrlarymyz turyp jatyr.
Sonymen qatar búginde shetelde qazaqtildi 88 BAQ jumys istep tur. Onyń barlyǵymen baılanys ornatylǵan. Ásirese, Mońǵolııa, Túrkııa jáne О́zbekstandaǵy qazaqtildi BAQ ókilderimen tyǵyz baılanystamyz», dedi Maǵaýııa Sarbasov.
Buǵan deıin qordyń vıse-prezıdenti sheteldegi 1 mıllıonǵa jýyq qandasymyz elge oralýǵa nıetti ekenin jetkizdi. Odan bólek, sheteldegi qandastardy elge ákelýdiń tujyrymdamasy ázirlenip jatqandyǵy aıtyldy.