Bokstan Serbııa astanasy Belgrad qalasynda ótip jatqan álem chempıonatynda 86 kılogramm salmaq dárejesinde rıngke kóterilgen Bek Nurmaǵanbet jarysty aıaqtady, dep habarlaıdy Egemen.kz.
Álem chempıonatynyń 1\16 fınalynda brazılııalyq Keno Machadoǵa qarsy rıngke shyqqan Bek qarsylasynyń qarqynyna ilese almaı dal boldy. Alǵashqy eki raýndta basymdyqty ýysynan shyǵaryp alǵan ol úshinshi raýndta belsendi kóringen. Biraq onysy jeńisti julyp alýǵa kómektespedi. Osylaısha ulttyq qurama sapynan birinshi bolyp Bek Nurmaǵanbet jeńilistiń ashy dámin tatty.