Prezıdenttiń memlekettik qyzmetterdi sıfrlandyrý jónindegi tapsyrmasyna sáıkes, Shymkentte veterınarııa salasynyń jumysy avtomattandyryldy, dep habarlaıdy Egemen.kz.
Shaharda «Vet Qyzmet» pılottyq jobasy iske qosyldy. Endi qala turǵyndary úıinen shyqpaı mobıldi qosymshany júktep, veterınarııalyq mekemege elektrondy túrde ótinim qaldyra alady.
Bul joba elimizde ǵana emes, TMD elderi arasynda Shymkentte alǵash bolyp qolǵa alynyp otyr. Qala ákimi pılottyq jobanyń jumys isteý barysyn arnaıy tekserip, tolyqtyrýlar engizý jáne turǵyndarǵa keńinen túsindirý jóninde tapsyrma bergen bolatyn.
Osyǵan oraı qazir qosymshaǵa 2 veterınarııalyq beket engizildi, 40 azamattyń ótinishi qosymsha arqyly qabyldandy. Qazir tek «androıd» paıdalanýshylary úshin qoljetimdi, tegin júkteıdi. Testileýden ótken soń qalǵan 4 beket te engiziledi, «ios»-qa da qosylady.
Júıeniń artyqshylyqtary:
- ýaqyt únemdiligi;
- jedel qyzmet kórsetý;
- táýlik boıy qoljetimdilik;
- oryndalǵan qyzmet týraly anyqtama alý;
- kezektiń bolmaýy;
- qoldaý qyzmeti jumys isteıdi;
- ýchaskelik veterınardy shaqyrý.
Aýmaqtaǵy epızootııalyq jaǵdaıdy táýlik boıy baqylap, veterınarııalyq dárigerlerdiń jumysyn baǵalaı alady. Veterınarııalyq pasport pen karta, veterınarııalyq qyzmetter janýardyń ıesine júıede tirkelgennen keıin qoljetimdi bolady. О́z janýarlary týraly aqparatty da birden engize alady.
Bul – indettiń, ásirese janýarlar men adamdarǵa tán aýrýlardyń qaýpin azaıtýdyń tıimdi quraly.
Odan bólek, veterınarlarǵa arnaıy birkelki kıim úlgisi jasaldy. Arnaıy kıim jumys jasaýǵa yńǵaıly etip tigilgen. Oǵan qr kod ornalastyrylyp, turǵyndar maman týraly tolyq aqparat ala alatyn bolady. Bul turǵyndardyń durys jáne sapaly qyzmet alýyna múmkindik beredi.