Halyqaralyq «ÁMEN» festıvalinde ózbek rejısser-anımatory Azızbek Mýhamedovtiń «Dom na kolesah» mýltfılmi «Úzdik anımasııalyq fılm» atandy, dep habarlaıdy Egemen.kz.
О́zbek rejısseri baıqaýǵa eki birdeı jumysyn usynǵan. Olardyń biri «Volshebnyı tanbýr» qysqa metrajdy anımasııalyq fılmi «Úzdik qoıýshy sýretshi» atalymynda top jarsa, «Dom na kolesah» týyndysy festıvaldiń «Úzdik anımasııalyq fılmi» dep tanyldy.
«Ámen Qaıdarov atyndaǵy festıvalge qatysyp, qazaq anımasııasyndaǵy dostarymmen qaýyshqanyma óte qýanyshtymyn. Týyndylarymyzdyń joǵary baǵalanyp, eńbegimniń elengeni – úlken mártebe. Kórermenderimiz ben fılmderdi jasaýǵa atsalysqan shyǵarmashylyq top bul júldelerdi erekshe yqylaspen qabyl alatynyna senimdimin. «Dom na kolesah» ómirde bári bar, biraq aram nıetti adamdardyń sózine qulaq asamyn dep ózgeniń sózine ilesip, óz oıynan aıyrylyp qalǵan jan týraly shyǵarma», dep atap ótti Azızbek Mýhamedov.
Odan bólek taǵy toǵyz atalym boıynsha jeńimpazdar anyqtaldy. Eki birdeı qatysýshynyń jobasy úzdik serıal atandy. Tynyshqalı Tilegenovtiń «Buzyǵym» jáne Bekdos Saıatulynyń «Sýperkólik samuryq» mýlthıkaıasy ózge jumystar arasynan oq boıy ozyq turdy. О́zge sheteldik qatysýshylar arasynan Tájikstan men Bashqurtstan anımatorlarynyń jumysy joǵary baǵaǵa ıe boldy. Bashqurt anımatory Rım Sharafýtdınov «Zolotoı dvores» týyndysymen Úzdik rejısserlik jumysty jeńip aldy. Osy atalym boıynsha ekinshi jeńimpaz – «La Gare» qysqa metrajdy anımasııalyq fılminiń rejısseri Aıan Marokkanskıı. Al tájikstandyq qatysýshy Lolısanam Ýlýgova «Hývaıdo» mýltfılmimen Úzdik ssenarıı avtory atandy.
Baıqaý qorjynyna kelip túsken stýdenttik jumystar eki atalym boıynsha baǵalandy. Meıirjan Tólepbaıdyń «Januıa» mýltfılmi stýdentter arasyndaǵy úzdik jumys bolsa, Qazaq ulttyq óner ýnıversıtetiniń stýdentteri Malıka Maqsatqyzy men Qajybek Gúlnurdyń týyndylary «Úzdik stýdenttik rejısserlik jumys» marapatyn ıelendi.
Qazylardyń arnaıy syılyǵymen rejısser Nurgúl Daýytova men Sultan Qydyrbaev marapattaldy. Al rejısser Meıirjan Tólepbaı «Kórermen kózaıymy» atalymyna ıe boldy. Baıqaýǵa usynylǵan komıkster arasynda Mádı О́tegenovtiń «Batyl saqshylar» jumysy úzdik dep tanyldy.
Festıvaldiń eń jas qatysýshylary Túrkistan Oqýshylar saraıynyń anımasııa úıirmesiniń tárbıelenýshileri kreatıvti qózqarasy úshin marapattaldy.
Ádilqazylar alqasy baıqaýǵa kelip túsken jumystardy ssenarıı, rejıssýra, anımasııa, keıipker, kórkemdik sheshim boıynsha baǵalady. Ortalyq Azııadaǵy eń iri anımasııalyq festıvalde áıgili shetel anımator-mýltıplıkatorlary men otandyq bilikti mamandar tórelik etti. Olardyń qatarynda álemge tanymal sýretshi-anımator, «Ný, pogodı!», «Mýlan», «Korol lev», «Fıksıkı» syndy «Soıýzmýltfılm» men «Disney» stýdııalarynyń 40-tan asa jobasyna qatysqan Aleksandr Dorogov (AQSh), QR Memlekettik syılyǵynyń ıegeri Roza Muqanova, kınotanýshy, kınosynshy Názıra Muqysheva, Ulttyq kınony qoldaý ortalyǵynyń bas prodıýseri Adaı Ábeldınov, anımasııa prodıýseri jáne rejısser Mýsab Gúndúz (Túrkııa), rejısser-ssenarıst, QR Mádenıet qaıratkeri, rejısser-mýltıplıkator Batyrhan Dáýrenbekov, sondaı-aq halyqaralyq kınofestıvalderdiń júldegeri Turdybek Maıdan bar.
Baıqaýǵa barlyǵy 57 ótinim kelip tústi, onyń 49-y irikteýden ótti. Halyqaralyq «ÁMEN» anımasııalyq fılmder festıvaline otandyq jáne baýyrlas túrki elderdiń, atap aıtqanda Ázerbaıjan, Bashqurtstan (RF), Qyrǵyz Respýblıkasy, О́zbekstan, Tatarstan (RF), Tájikstan men Túrkııanyń mýltıplıkatorlary qatysty.