Kásibı tennısshiler qaýymdastyǵy (ATP) jańartylǵan reıtıngini jarııa etti, dep habarlaıdy Egemen.kz.
Qazaqstan tennıs federasııasy málim etkenindeı, ótken aptada Sankt-Peterbýrg týrnıriniń fınalyna deıin jetken Andreı Golýbev juptyq synda 35-ten 28-orynǵa kóterildi. Bul onyń jeke rekordtyq kórsetkishi bolyp tabylady.
Sondaı-aq Aleksandr Nedovesov juptyq synda 76-dan 75-ke joǵarylady. Jekeleı reıtıngide Qazaqstannyń birinshi raketkasy Aleksandr Býblık 34-ten 36-ǵa, Dmıtrıı Popko 162-den 171-ge, Mıhaıl Kýkýshkın 159-dan 177-ge syrǵyp ketti.
Tımofeı Skatov 266-dan 264-ke kóterilse, Denıs Evseev 390-shy, Beıbit Jýkaev 749-orynda keledi.