Túrkistan qalasynda tarıhy erekshe, túlekteri tanymal mektep bar. Kórnekti memleket jáne qoǵam qaıratkeri Sultanbek Qojanov, jazýshy, Qazaqstan Lenın komsomoly syılyǵynyń tuńǵysh laýreaty S.Erýbaev, akademık Ismet Keńesbaev, fılologııa ǵylymdarynyń doktory, akademık Máýlen Balaqaev syndy tulǵalar irgetasy 1898 jyly qalanǵan osy mektepte bilim alǵan.
Iá 123 jyldan beri úzdiksiz bilim berip kele jatqan Ahmet Baıtursynov atyndaǵy №1 mektep-lıseıinen túlep ushqan elimizge tanymal, abyroıly azamattar kóp.
Solardyń biri Túrkistan qalasynyń qurmetti azamaty, batagóı, abyz-aqsaqal Ábdibek qajy Beısenovtiń osy mektepti bitirgenine 66 jyl tolypty. Bir qyzyǵy mekteptiń synyby da 66 bolyp shyqty. Bıylǵy jyly mektepke tuńǵysh qadam basqan oqýshylar bilim alatyn bir synypty Beısenovter áýleti túgeldeı jaraqtandyryp bergen. Ábdibek qajy men Ulpatsha áje 10 perzentinen 36 nemere, 40 shóbere súıip otyr. Aqsaqaldyń otbasy «Aıaly alaqany aq ájeniń», «Úlgili otbasy» atty baıqaýlardyń bas júldesin ıemdense, abyz atanyń ózi respýblıkalyq deńgeıde ótkizilgen «Batamenen el kógerer...» baıqaýlarynda Nartaı jáne Molda Musa atyndaǵy nomınasııalardy jeńip aldy. Kishi uly Áljan qajy da áke jolyn basyp, ótken jyly oblys boıynsha batagóıler baıqaýynda bas júldeni ıelendi. Aqsaqaldyń óleńderi men oı-pikirleri, qoǵamdaǵy máseleler týraly maqalalary respýblıkalyq, oblystyq deńgeıdegi gazet-jýrnaldarda jarııalanǵan.
Kúni keshe ómiri ónege Ábdibek Beısenovtiń atyna mektepten bastaýysh synyp kabınetiniń ashylý saltanaty ótkizildi. Jıynǵa oblystyq jáne qalalyq bilim salasynyń basshylary, zııaly qaýym ókilderi, ulaǵatty ustazdar men jýrnalıster qatysyp, júrekjardy lebizderin jetkizdi.
TÚRKISTAN