Sot oryndaýshysyn urǵan almatylyq jazalanbaıtyn boldyú Bul týraly Almaty polısııasy málimdedi, dep habarlaıdy Egemen.kz.
Qalalyq polısııa departamentiniń baspasóz qyzmeti jaqynda turǵyn úıdi buzýǵa kelgen sot oryndaýshysyn urǵan Maqsat Ysqaqovqa qatysty «Sot oryndaýshylarynyń qyzmetine kedergi keltirý» baby boıynsha júrgizilgen tergeýdiń qorytyndysy týraly habarlady.
«Tergeý barysynda sot oryndaýshysynyń shabýyl jasaýǵa ózi ıtermelegeni anyqtaldy. Qolda bar vıdeony zerttep, qylmystyq is materıaldaryna qostyq», dedi Almaty qalalyq IID.
Polıseıler atalǵan mán-jaıǵa baılanysty qylmys quramynyń, ıaǵnı sot oryndaýshysynyń áreketine kedergilerdiń joqtyǵyn aıtty.Eske salaıyq, oqıǵa 4 qazanda Almatydaǵy turǵyn úıdi buzý kezinde bolǵan. Er adam sot oryndaýshysynyń qabyrǵasynan eki ret urǵan. Sot oryndaýshylar palatasy er adam polıseılerdiń kózinshe qyzmetkerdi uryp-soqqanyn habarlady.
Almaty qalasy Bostandyq aýdandyq polısııa basqarmasynyń bastyǵy osy oqıǵaǵa qatysty sot oryndaýshylar palatasyna jaýap bergen. Al jábirlenýshiniń ózi vıdeo jarııalap, soqqyǵa jyqqan er adamdy qamatatynyn aıtqan bolatyn.