Ishki ister mınıstri Erlan Turǵymbaev jýrnalısterdiń «Astana LRT» eks-basshysy Talǵat Ardan men elordanyń burynǵy ákimi Qanat Sultanbekovti izdestirýge qatysty suraqtaryna jaýap berdi, dep habarlaıdy Egemen.kz.
«Qylmystyq isti biz de, Ishki ister mınıstrligi de tergep jatqan joq. Interpol jelisi boıynsha izdeý jarııalandy. Biz izdestirý sharalaryn halyqaralyq deńgeıde júrgizip jatyrmyz», dedi Turǵymbaev.
Ol shetelge qashyp ketken adamdardy izdestirý ońaı emes ekenin aıtty.
«Adam shetelde júrgende eldegideı tártip joq. Jedel qyzmetker ol jerge baryp, eshqandaı jedel-izdestirý sharalaryn júrgize almaıdy. Bul kúdikti jasyrynǵan elmen jasalǵan kelisimge jáne olardyń quqyq qorǵaý organdarynyń qylmyskerdi ustap berý týraly kelisimine baılanysty. Sondyqtan bul máseleniń bárin Bas prokýratýra sheshedi», dedi ol.
Eske salaıyq, qazannyń basynda Nur-Sultan soty LRT isi boıynsha úkimniń kúshin joıyp, isti prokýrorǵa qaıtarǵan bolatyn.