Energetıka mınıstri Maǵzum Myrzaǵalıev Qazaqstanda benzın qymbattaǵany týraly pikir bildirdi, dep habarlaıdy Egemen.kz.
«Shynynda da, keshe benzın qymbattady degen aqparat keldi. Keıingi úsh jyldaǵy statıstıkany qaradym, 2018 jyldan bastap 2021 jylǵa deıin AI-92 baǵasy 163 teńgeden 178 teńgege, úsh jyl ishinde 15 teńgege qymbattaǵanyn kórip otyrmyz. Bul, árıne, az qarqynmen ósý, biraq alańdatarlyq jaıt», dedi mınıstr Úkimet otyrysynan keıin jýrnalısterdiń suraqtaryna jaýap berip.
Energetıka mınıstrliginiń basshysy qazir elimizde benzın qymbattaýyna negiz joq ekenin aıtty.
«Benzın qajet mólsherde óndirilip, jóneltiledi. Búgingi tańda benzınge qatysty jaǵdaı turaqtaldy. Keshe aqparat túskennen keıin iri JMQS-pen jumys isteı bastadyq. Eń aldymen nelikten bulaı bolǵanyn túsiný kerek, biraq qazir eshqandaı negiz joq dep sanaımyz. Bul jumysty básekelestikti qorǵaý jáne damytý agenttigindegi áriptesterimizben birge júrgizemiz.
Benzın men JJM baǵasy tutastaı rettelmeıtinin atap ótkim keledi. Sondyqtan bizdiń mınıstrlik baǵany retteýge jaýap bermeıdi, biraq jaýapkershilikti eskerip, bul máselemen aınalysamyz», dep túıindedi Myrzaǵalıev.