Slovenııanyń Lashko qalasynda ústel tennısinen WTT Contender serııasyna jatatyn iri halyqaralyq týrnır aıaqtaldy.
Qazaqstannyń birinshi raketkasy, ITTF reıtınginde 46-satyǵa jaıǵasqan Kırıll Gerasımenko atalǵan jarysta tabysty óner kórsetti. Bastapqy básekelerde majarstandyq Bens Maırosh, japonııalyq Hıroto Shınozýka jáne ulybrıtanııalyq Pol Drınkholdan basym túsken ol jartylaı fınalda qytaılyq Lıý Dınshony qapy qaldyrdy. Fınalda jerlesimizdiń joly álemdik reıtıngte 12-orynda turǵan álem birinshiliginiń qola júldegeri, Azııanyń eki dúrkin chempıony Lıan Szınkýnmen qıysty. Bul tartys 4:0 esebimen Qytaı ókiliniń paıdasyna sheshildi. Bizdiń Kırıll Slovenııa saparyn kúmis medalmen aıaqtady.