Elordada bir táýlik ishinde jol qozǵalysy erejelerin buzýdyń 700-den astam faktisi anyqtaldy, dep habarlaıdy Egemen.kz.
Nur-Sultan qalasy Polısııa departamenti tarapynan aǵymdaǵy jyldyń 8-17 qarashasy aralyǵynda júrgizýshiler arasynda jol júrý tártibin arttyrý, jol-kólik oqıǵalarynyń sanyn azaıtý, sondaı-aq jol qozǵalysy erejelerin óreskel buzýdyń aldyn alý maqsatynda «Qaýipsiz jol» jedel-aldyn alý is-sharasy ótkizilýde.
Bir táýlik ishinde polısııa qyzmetkerlerimen 710 jol qozǵalysy erejelerin buzý faktisi anyqtaldy, onyń 1-n qoǵamdyq kólik júrgizýshisi jasaǵan jáne 53 júrgizýshi tehnıkalyq baıqaýdan ótpegen kólikti basqarǵan, 25 júrgizýshi manevr jasaý erejelerin buzǵany úshin ustalǵany belgili boldy. Sonymen qatar, 11 júrgizýshi qarsy jolaqqa shyǵyp, 16 júrgizýshi baǵdarshamnyń tyıym salynǵan belgisine ótken. Mas kúıinde kólik júrgizgeni úshin 16 júrgizýshi ustalyp, kólik quraldaryn basqarýǵa quqyǵy joq 6 azamattyń kólik júrgizgeni anyqtalyp, aıyp turaǵyna 52 avtokólik jetkizildi.
Polısııa qyzmetkerleri mas kúıinde kólik quraldaryn basqarýmen baılanysty buzýshylyqtardy anyqtaýǵa jáne jolyn kesýge erekshe nazar aýdarady. Qabyldanǵan sharalarǵa qaramastan, keıbir azamattar mas kúıinde kólik júrgizýdi jalǵastyrýda, osylaısha óz ómirlerine, sondaı-aq jol qozǵalysynyń basqa qatysýshylarynyń ómirine qaýip tóndirýde.