«Atameken» Ulttyq kásipkerler palatasy qazaqstandyq joǵary oqý oryndarynyń bilim baǵdarlamalaryna taldaýlar júrgizip keledi. Palata kóbine túlekterdiń eńbek naryǵyndaǵy básekege qabiletine qaraı taldaıdy. Jaqynda «Bıznes jáne menedjment» baǵyty boıynsha bakalavrıat baǵdarlamalary túlekteriniń jumysqa ornalasý jaıyn saralady. Nátıjesinde, sheteldik jáne otandyq iri kompanııalardyń qaı ýnıversıtet bitirýshilerin jumysqa jıi alatynyn anyqtady.
«Atameken» taratqan aqparatqa súıensek, 2020 jylǵy statıstıka boıynsha 10 023 adam «Memlekettik jáne jergilikti basqarý», «Marketıng», «Menedjment», «Álemdik ekonomıka», «Baǵalaý», «Esep jáne aýdıt», «Qarjy jáne ekonomıka» sııaqty 8 mamandyq boıynsha bakalavrdy bitirip, dıplom alǵan.
Ulttyq kásipkerler palatasy basqarma tóraǵasynyń orynbasary Oljas Ordabaev: «Bul túlekterdiń 2500-i – dekrettik demalysta, áskerde, magıstratýrada (Qazaqstanda jáne shetelde) oqýyn jalǵastyryp jatyr nemese shetel azamattary. Qalǵan 7 523 adamǵa saraptama júrgizildi. 79 paıyzy dıplom alǵannan keıin 12 aı ishinde jumysqa ornalasqan, biraq onyń 71 paıyzy ǵana 3 aıdan asa ýaqyttan beri jumys isteıdi (turaqty jumyspen qamtylǵan)», dedi.
«Atameken» UKP analıtıkalyq derekterine sáıkes Big4 (Ernst&Young, KPMG, Deloitte, PricewaterhouseCoopers) kompanııasy «Býhgalterlik esep jáne aýdıt», «Qarjy» mamandyqtary boıynsha kóbine kelesi ýnıversıtetterdiń túlekterin qabyldaıdy: KIMEP; Qazaq-Brıtan tehnıkalyq ýnıversıteti (Akademııalyq adaldyq lıgasynyń múshesi); M.Nárikbaev atyndaǵy KAZGIýÝ ýnıversıteti (Akademııalyq adaldyq lıgasynyń múshesi); NARXOZ ýnıversıteti; Almaty Management University (Akademııalyq adaldyq lıgasynyń múshesi).
Oljas Ordabaev atalǵan sala túlekteri úshin eń iri jumys berýshiler qatarynda «Qazaqstan Halyq Banki» AQ, «Eýrazııalyq bank» AQ, Kaspi Bank AQ, «Hoým Kredıt Bank» AQ jáne «Bank SentrKredıt» AQ kompanııalary bar ekenin aıtady.