Osydan dál 20 jyl buryn, ıaǵnı 2001 jyldyń 11 qarashasynda Býenos-Aırestegi «Bombonera» stadıonynda ataqty argentınalyq fýtbolshy Dıego Maradona qoshtasý matchyn ótkizdi.
Aty ańyzǵa aınalǵan aıaqdop sheberi 41 jasynda úlken sportpen qosh aıtysty. 1976-1997 jyldar aralyǵynda álemdegi eń ataqty komandalardyń sapynda óner kórsetken Maradona Italııanyń «Napolı» klýbynda jasyndaı jarqyldap, ortańqol komandany Eýropa grandtarynyń birine aınaldyrdy. Uzaq ýaqyt boıy Argentına quramasyn da órge súırep, álem chempıony jáne sol jarystyń kúmis júldegeri atanýyna ólsheýsiz úles qosty. 1986 jyly Meksıkada ótken dúnıejúzilik dop dodasynyń qorytyndysy boıynsha eń úzdik fýtbolshyǵa tıesili arnaıy syılyqty ıelendi. Dıegonyń odan da basqa tolyp jatqan ataqtary jeterlik. Onyń barlyǵyn tizbektep shyǵýdyń ózi ońaı sharýa emes.
Dıego Maradonanyń qoshtasý matchyn kórý úshin «Bomboneraǵa» sol kúni 50 myńnan asa kórermen jınaldy. Stadıonǵa syımaı qalǵandary qanshama. Al teledıdar arqyly tamashalaǵan jankúıerlerdiń sany mıllıondap sanalady. Kil juldyzdardyń basyn qosqan básekede Argentına fýtbolshylary álem quramasyn 6:3 esebimen utty.