Búgin Aqparat jáne qoǵamdyq damý, Bilim jáne ǵylym, Mádenıet jáne sport mınıstrlikteriniń ókilderi L.N.Gýmılev atyndaǵy Eýrazııa ulttyq ýnıversıtetiniń professorlyq-oqytýshylyq quramy men stýdentterimen kezdesti, dep habarlaıdy Egemen.kz.
Kezdesýge ýnıversıtettiń rektory, UǴM akademıgi Erlan Sydyqov qatysty. Ol ulttyq baǵdarlamanyń bilim, mádenıet, jastar saıasaty salalaryndaǵy erekshe mańyzdy rólin atap ótti.
QR AQDM Rýhanı jańǵyrý baǵdarlamasyn úılestirý departamentiniń dırektory Ý.Tnalıev «Ulttyq rýhanı jańǵyrý» ulttyq jobasynyń negizgi baǵyttary jáne mindetterimen tanystyrdy.
Bilim jáne ǵylym birinshi vıse-mınıstri Sh.Karınova memlekettik tildi damytý jáne bilim berý salasyndaǵy ózekti máselelerdi sheshý jónindegi is-sharalar týraly baıandady.
QR MSM Mádenıet komıtetiniń tóraǵasy A.Ábdýálıev Ulttyq jobanyń «El rýhy» baǵyty boıynsha qarastyrylǵan is-sharalarǵa egjeı-tegjeıli toqtaldy.
О́z kezeginde, QR AQDM Jastar jáne otbasy isteri komıtetiniń tóraǵasy Sh.Baımanov «Táýelsizdik urpaqtary» baǵytynda qarastyrylǵan jastardyń negizgi suranystaryn, sonyń ishinde turǵyn úı, jumyspen qamtý, bilim berý, jastardy qoǵamdyq paıdaly qyzmetke tartý, NEET sanatyndaǵy jastardy áleýmettendirý máselelerin sheshýge baǵyttalǵan sharalar jónin tarqatty.
Aıta ketsek, Ulttyq joba Memleket basshysy Qasym-Jomart Toqaevtyń tapsyrmasy boıynsha ázirlendi jáne qazaqstandyq qoǵamnyń mádenıet, aǵartý jáne ulttyq rýh deńgeıin arttyrýǵa baǵyttalǵan.
Sondaı-aq, Ulttyq joba Tuńǵysh Prezıdent – Elbasy Nursultan Nazarbaevtyń baǵdarlamalyq maqalasynda aıtylǵan «Rýhanı jańǵyrý» qundylyqtaryn ilgeriletýdiń kelesi kezeńi bolyp tabylady.