Bıylǵy jyly Memleket basshysyna Qazaqstandaǵy qoǵamdyq keńesterdiń qyzmeti týraly Ulttyq baıandama engiziletini belgili. Bul norma 2021 jyly «Qoǵamdyq keńester týraly» Zańǵa engizilgen túzetýlerdi eskere otyryp bekitildi, dep habarlaıdy Egemen.kz. Aqparat jáne qoǵamdyq damý mınıstrliginiń baspasóz qyzmetine silteme jasap.
Aýqymdy ǵylymı-taldaý qujatyn jasaý qoǵamdyq keńesterdiń damý úrdisterin sıpattaı otyryp, taldaýǵa baǵyttalǵan. Qazirgi ýaqytta, 2021 jylǵy zańnamalyq ózgeristerdi taldaý qoǵamdyq keńesterdiń qyzmetindegi Ekonomıkalyq yntymaqtastyq jáne damý uıymynyń (EYDU) usynymdaryn kórsetedi.
2021 jyly Qoǵamdyq keńester, ÚEU ókilderiniń, sondaı-aq elimizdiń barlyq óńirlerinen kelgen azamattyq belsendilerdiń qatysýymen Ulttyq baıandama jobasy boıynsha saraptamalyq talqylaýlar ótti. Sarapshylar 2021 jyldyń basynda qoǵamdyq keńester týraly Zańǵa qabyldanǵan túzetýlerdiń oń áserin atap ótti, sonyń arqasynda olardyń quqyqtary men ókilettikteri keńeıtildi.
Sarapshylarmen qoǵamdyq talqylaý barysynda Aqparat jáne qoǵamdyq damý mınıstri A.Balaeva Qoǵamdyq keńesterdiń jumysy týraly aqparattyń sapasyn, shynaıylyǵy men obektıvtiligin pysyqtaý qajettigine nazar aýdardy.
Ulttyq baıandamaǵa 1200 respondentti qamtıtyn áleýmettik saýalnama nátıjeleri, sondaı-aq birqatar qoǵamdyq keńes ókilderimen suhbattar kirdi. Budan basqa, problemalyq aımaqtardy anyqtaı otyryp, qoǵamdyq keńester qyzmetiniń quqyqtyq negizderi qaraldy. EYDU usynymdarynyń oryndalýyn taldaý jáne olardy qoǵamdyq keńesterdiń qyzmetinde odan ári tájirıbe júzinde qoldaný múmkindigi mańyzdy bólikke aınaldy.
Ulttyq baıandamany Úkimetke, odan ári Memleket basshysyna engizý bıylǵy jeltoqsannyń birinshi onkúndigine josparlanyp otyr.