Eńbek jáne halyqty áleýmettik qorǵaý mınıstrligi «Aqtalǵan adamǵa biryńǵaı úlgidegi kýálik berý qaǵıdalaryn, aqtalǵan adamnyń kýáliginiń úlgisin bekitý týraly» buıryq jobasyn daıyndady, dep habarlaıdy Egemen.kz.
Buıryq qaǵıdalary aqtalǵan adamdarǵa kýálikter berý tártibin kózdeıdi.
«Kýálik saıası qýǵyn-súrginge ushyrap aqtalǵan adamǵa ózi ne ýákiletti organǵa ókili arqyly ótinish bergennen keıin beriledi», delingen qujatta.
О́tinishke kelesi qujattar qosa beriledi:
Jeke basty kýálandyratyn qujat; Aqtaý týraly anyqtama nemese sot uıǵarymynyń (qaýlysynyń) kóshirmesi; О́kil arqyly júgingen jaǵdaıda onyń ókilettigin rastaıtyn qujat.Salystyryp tekserý úshin qujattardyń túpnusqalary men kóshirmeleri usynylady, sodan keıin qujattyń túpnusqasy ótinish berýshige qaıtarylady.
О́tinishti tirkeý aqtalǵan adamǵa biryńǵaı úlgidegi kýálik alýǵa úmitker adamdardy tirkeý jýrnalynda júzege asyrylady.
О́tinishtiń tirkelgen kúni, qujattardy qabyldaǵan adamnyń tegi men aty-jóni kórsetilgen ótinishtiń úzbeli talony ótinish berýshiden qujattar toptamasynyń qabyldanǵanyn rastaıtyn qujat bolyp tabylady.
Ýákiletti organ ótinish tirkelgen kúnnen bastap bes jumys kúni ishinde ótinish berýshige kýálik berýdi esepke alý jýrnalyna belgi qoıa otyryp, kýálik beredi. Kýálik joǵalǵan nemese búlingen jaǵdaıda aqtalǵan adam ýákiletti organǵa ótinishpen júginýi kerek.
О́tinishtiń tirkelgen kúni, qujattardy qabyldaǵan adamnyń tegi men aty-jóni kórsetilgen ótinishtiń úzbeli talony ótinish berýshiden qujattar toptamasynyń qabyldanǵanyn rastaıtyn qujat bolyp tabylady.
Ýákiletti organ ótinish berilgen kúnnen bastap bes jumys kúninen keshiktirmeı kýáliktiń telnusqasyn beredi.
Aqtalǵan adamdarǵa kýálikter berý jónindegi ýákiletti organ aýdandardyń jumyspen qamtý jáne áleýmettik baǵdarlamalar bólimderi, oblystyq mańyzy bar qalalardyń jumyspen qamtýdy úılestirý jáne áleýmettik baǵdarlamalar basqarmalary, Nur-Sultan, Almaty jáne Shymkent qalalarynyń jumyspen qamtý jáne áleýmettik baǵdarlamalar basqarmalary bolyp tabylady.
Buıryq jobasy 29 qarashaǵa deıin «Ashyq NQA» saıtynda jarııa talqylaý úshin ornalastyrylǵan.