Elordadaǵy Ál-Farabı atyndaǵy Oqýshylar saraıynda Qazaqstan halqy Assambleıasynyń «Myń bala» respýblıkalyq mádenı-aǵartýshylyq jobasyn qorytyndylaǵan saltanatty jıyn ótti.
Is-sharaǵa Aqparat jáne qoǵamdyq damý mınıstrliginiń Etnosaralyq qatynastardy damytý komıtetiniń tóraǵasy Ǵ.Shoıkın, Parlament Májilisiniń depýtattary, QHA músheleri, shyǵarmashyl jáne zııaly qaýym ókilderi, joba jeńimpazdary, memlekettik tildi oqytý ádiskerleri, jastar uıymdarynyń belsendileri men músheleri, blogerler jáne BAQ ókilderi qatysty. «Myń bala» jobasynyń maqsaty – túrli etnostyq toptardyń mektep jasyna deıingi balalary men mektep oqýshylaryn, jastaryn memlekettik tildi oqytý prosesinde qazaq halqynyń ulttyq rýhanı qundylyqtaryna, mádenıetine, salt-dástúrlerine, ádet-ǵuryptaryna baýlý arqyly qazaqstandyq biregeılik pen birlikti damytýǵa úles qosý.
Etnosaralyq qatynastardy damytý komıtetiniń tóraǵasy Ǵ.Shoıkın kirispe sózinde eldegi tatýlyq pen birlikti nyǵaıtý sııaqty asqaraly mindet júktelgen Qazaqstan halqy Assambleıasy da óz qyzmetiniń basymdyqtarynyń biri retinde memlekettik tildi damytý baǵytynda aýqymdy jumys júrgizip jatqanyn atap ótti. Jıyn barysynda «Myń bala» respýblıkalyq mádenı-aǵartýshylyq jobasynyń eki nomınasııasy boıynsha óńirlerde uıymdastyrylǵan «О́ner aldy – qyzyl til» jáne «О́nerli órge júzer» baıqaýlarynyń jeńimpazdary marapattaldy.
Búgingi tańda elimizde 5 644 uıym balalardy qazaq tilinde oqytyp júrse, 3 798 qazaq mektebi jumys isteıdi. Dostyq úılerinde, respýblıkanyń etnomádenı birlestikterinde 174 jeksenbilik mektep jumys isteıdi, olarda memlekettik tilde oqytatyn 124 top bar. Qazaqstannyń barlyq etnosy memlekettik tildiń osy jańa áleýmettik rólin qoldaıdy, onyń ómirsheńdigine jáne biriktirýshi áleýetine senedi.
Bıylǵy «Myń bala» jobasy aıasynda «Til mektebi» avtorlyq kýrsy joǵary deńgeıde uıymdastyryldy. Til úıretýdiń ınnovasııalyq biregeı ádistemelerimen óńirlerden kelgen 15 ádisker tanystyrylyp, mańyzdy is-sharaǵa túrli etnostardyń jastary – 37 til úırenýshi qatysty.
Jas jeńimpazdardy jáne úzdik ádiskerlerdi yntalandyrý maqsatynda olarǵa Qazaqstan halqy Assambleıasynyń Alǵys hattary men dıplomdary jáne baǵaly syılyqtar tapsyryldy.
Esterińizge sala keteıik, 2015 jyldan bastap jyl saıyn ótkiziletin «Myń bala» jobasy túrli etnostardyń balalary men jastarynyń memlekettik tildi úırenýge degen qyzyǵýshylyǵyn arttyryp, memlekettik tildiń qoldanylý aıasyn keńeıtýge, balalar men jastar arasynda memlekettik tildi úırenýdi nasıhattaıtyn volonterler sanyn ulǵaıtýǵa yqpal etedi.