Janar-jaǵarmaı baǵasynyń ósýine qatysty pikir bildirgen energetıka mınıstri Maǵzum Mırzaǵalıev benzın men dızel otynynyń baǵasy rettelmeıtinin aıtty, dep habarlaıdy Egemen.kz.
«Janar-jaǵarmaı baǵasy rettelmeıdi. Retteý múmkin emes. Bıyl dızel otyny tapshy. Onyń bir sebebi – kórshi eldermen salystyrǵanda baǵadaǵy aıyrmashylyq. Baǵa boıynsha qazir júıeli ózgeristerdi ázirlep jatyrmyz jáne eń mańyzdysy mynada:
birinshiden, qazir úsh munaı óńdeý zaýytynda josparly jáne jospardan tys jóndeý jumystary júrgizilip jatyr, olardyń sharttaryn anyqtaý kerek; ekinshiden, materıaldyq-tehnıkalyq rezerv bazany qalyptastyrý; úshinshiden, janar-jaǵarmaıdy baqylaý, árbir munaı bazasynda tıisti qural-jabdyqtarmen jaraqtandyrý qajet», dedi senatorlar saýaldaryna jaýap bergen energetıka mınıstri.Maǵzum Myrzaǵalıev jyl aıaǵyna deıin jarııalanǵan josparlar boıynsha tıisti ózgerister engiziletinin aıtty.