Elimizde 5G ınternet jelisin ornatýdyń arqasynda onyń sapasy eselene túspek. Bul týraly QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy Egemen.kz.
«2022-2023 jyldary elimizde 5G ınternet jelisi ornatylady. Biz 3 qalada 5G júıesiniń kómegimen joǵary sanatty ınternetti usynatyn bolamyz. Búginde elimizdiń keıbir óńirlerinde ınternet jyldamdyǵy joǵary, sol kórsetkish barlyq jerde bolýy kerek. Al qazirgi bar 4G ınternet jelisiniń sapasy birneshe esege deıin artady. Tıisinshe elimizde joǵary jyldamdyqqa ıe ınternet paıda bolady.
Qazirdiń ózinde 4G-diń arqasynda ınternette jańa múmkindikter, tipti jańa áleýmettik jeli paıda bolyp jatyr. Al 5G ınternet jelisiniń múmkindigi odan da kóp», dedi Baǵdat Mýsın Habar telearnasynda ótken «Nasıonalnyı ınteres» telebaǵdarlamasynyń efırinde.