Fýtboldan Qazaqstan kýbogynyń jartylaı fınaldyq saıystary aıaqtaldy. Sońǵy matchta «Tobyl» óz alańynda Qaraǵandynyń «Shahterin» qabyldady.
Atalǵan komandalar arasyndaǵy alǵashqy oıyn óte qyzyqty ótip, «Shahter» 5:2 esebimen jeńiske jetken edi. Qostanaıda da kenshiler qalasynan kelgen jigitter ózderiniń myqtylyǵyn moıyndatyp, alań ıeleriniń qaqpasyna jaýapsyz eki gol soqty: 35-mınýtta Pavel Nazarenko nysanany dál kózdese, araǵa tórt mınýt salyp Martın Toshev dopty torda týlatty. Esep – 0:2. Odan keıin eki komanda tarapynan birneshe qaýipti shabýyldar uıymdastyrylǵanymen, tablodaǵy esep ózgerissiz qaldy.
Osynyń aldyndaǵy eki kezdesýdiń qorytyndysy boıynsha «Qaırat» «Astananyń» tas-talqanyn shyǵarǵany belgili. Esep – 6:0. Mine, endi «Shahter» jeńiske jetip otyr. Sóıtip, Qazaqstan kýbogynyń fınaldyq saıysy qaraǵandylyqtar men almatylyqtar arasynda ótedi.