Aqmola oblysynyń Shortandy kentinde gaz ballony jarylysynan zardap shekken 10 jasar qyz aýrýhanada kóz jumdy, dep habarlaıdy Egemen.kz.
«О́kinishke oraı, Shortandy aýylyndaǵy jarylys saldarynan zardap shekken 2011 jyly týǵan bala keshe, 22 qarasha kúni keshke kóz jumdy. Qyz bala elordalyq aýrýhanaǵa óte aýyr jaǵdaıda jetkizilgen. Ol dereý jansaqtaý bólimshesine jatqyzyldy, óıtkeni jaǵdaıy óte aýyr boldy. Deneniń termııalyq kúıigi 60 paıyz, bala komada boldy», dedi Nur-Sultan qalasynyń Qoǵamdyq densaýlyq saqtaý basqarmasynyń baspasóz qyzmetindegiler.
Vedomstvodan atap ótkendeı, barlyq júrgizilgen emdeý sharalaryna qaramastan, jansaqtaý bólimshesinde naýqasty qutqarý múmkin bolmady.
Aıta keteıik, 16 qarasha kúni Aqmola oblysynyń Shortandy kentinde gaz ballony jarylyp, 3 adam kóz jumdy, taǵy on adam aýrýhanaǵa tústi. Oqys oqıǵa túngi saǵat 22:00 shamasynda Shortandy kentinde ornalasqan úsh páterli turǵyn úıde boldy.
Gaz ballonynyń jarylýy saldarynan 3 páterli jeke úı órtenip, onyń bir bóligi qulady. Aýrýhanaǵa túskenderdiń arasynda denesiniń 70 paıyzy termııalyq kúıik shalǵan 12 jastaǵy er bala 20 qarashada kóz jumdy.