Aqmola oblysynda zańsyz oıyn bıznesin uıymdastyrýdyń kezekti faktisi anyqtaldy, dep habarlaıdy Egemen.kz QR Qarjy monıtorıngi agenttiginiń Telegram arnasyna silteme jasap.
«Agenttiktiń Aqmola oblysy boıynsha aýmaqtyq departamentiniń qyzmetkerleri jedel-izdestirý is-sharalarynyń nátıjesinde oblystyń eki turǵynyn zańsyz qumar oıyndaryn uıymdastyrǵany úshin ustady», dep habarlady agenttiktiń baspasóz qyzmeti.
Vedomstvoda habarlaǵandaı, N. Qabdýshev pen A. Slabkovskıı oblystyń ártúrli aýdandarynda úı-jaılardy jalǵa alyp, «Poker Tehas holdem» zańsyz qumar oıyndaryn ótkizgen. Barlyq alynǵan zattaı dáleldemeler memleket kirisine aınaldyrylǵan. Qaskúnemder 2,5 jylǵa bas bostandyǵynan aıyryldy.
«Qarjy monıtorıngi agenttigi oıyn bıznesi úshin úı-jaılardy jalǵa alý úshin ortaq jaýapkershilik týraly eske salady. Zańsyz oıyn bıznesin uıymdastyrǵany úshin de, qumar oıyndarǵa oryn bergeni úshin de 2 jylǵa deıin bas bostandyǵynan aıyrý jazasy qarastyrylǵan», dep tolyqtyrdy departament.