Qazaqstan Respýblıkasynyń Tuńǵysh Prezıdenti – Elbasynyń keńesshisi - baspasóz hatshysy Aıdos Úkibaı Nursultan Nazarbaevtyń Nur Otan partııasynyń Tóraǵasy ókilettigin Prezıdentke tapsyrý týraly sheshimin túsindirdi, dep habarlaıdy Egemen.kz.
«Nursultan Ábishulynyń laýazymy men quqyqtaryna qaramastan, ultymyzdyń Kóshbasshysy – Elbasy, álem moıyndaǵan qazirgi zamannyń kórnekti saıasatkeri, bedeldi tulǵa bolyp qalatynyn túsiný kerek. Zamanaýı Qazaqstannyń negizin qalaǵan, janyn salyp, búkil ómirin elge arnaǵan adamnyń árqashan halyq múddesin oılap, elimizdiń bolashaǵy úshin alańdaıtynyn bári túsinedi dep oılamyn. Elbasynyń bul ustanymy ózgermek emes. Búgingi sheshim – bılikti tapsyrýdyń logıkalyq jalǵasy ǵana.
Nursultan Nazarbaev atap ótkendeı, Nur Otan partııasy, ásirese qazirgi pandemııadan bolyp otyrǵan jahandyq daǵdarys kezinde Qazaqstan Prezıdenti úshin basty tirek bolýy kerek.
Jarǵyǵa sáıkes, Nur Otan partııasynyń Tóraǵasyn saılaý men ony laýazymynan bosatý tolyǵymen Partııa seziniń quzyretinde. Oǵan deıin Nursultan Nazarbaev partııa Tóraǵasynyń qyzmetinde bolady», delingen Aıdos Úkibaıdyń resmı málimdemesinde.