Ulý fermasy ashyldy

Karantın kezinde áleýjeli­ni árli-berli sapyryp tabys kózin izdegen erli-zaıyptylar táýe­kel dep buryn-sońdy qu­laq estip, kóz kórmegen jańa kásip – ulý ósirýge bel baılaı­dy. Osylaısha, bıyl jazda Qostanaı qalasynda ulý fermasyn ashty. Kásipkerler bastap­qyda ulýdyń analyǵyn tappaı biraz qınalypty. Mundaı fermalar Qazaqstanda joq, al Reseı shekarasy jabyq. Aqyry izdegenderi Belarýs elinen tabylyp, eki aıdyń ishinde qorap-kon­teınermen Qostanaıǵa jet­kizilgen. Jándikterdiń 20 paıyzy joldy kótere almapty. Endi qalǵanyn qaıtip kóbeıtpek? О́zderi kópqabatty úıdegi pá­ter­­lerdiń birinde turady.

– Aldymen 8 sotyq jeri bar saıabaq satyp aldyq ta, ján­dikterdi sol jerdegi shóptiń ara­syna tóktik. Sosyn 2 aı boıy shóptiń arasyna úńildik te otyrdyq. Basynda eshteme kórinbep edi, keıin kádimgideı jybyrlap, tirshilik nyshanyn sezdire bastady. Osylaısha, birte-birte úlkeıe berdi, – dedi Vasılıı Starkov.

Jándikter kóbeıe bastaǵan soń, Starkovtar otbasy páte­r­lerin satyp, jeke úıge qonys aýdaryp, aýlasyna jyl on eki aı boıy ulý ósirýge bola­tyn jylyjaı salady. Oksa­na Starkovanyń aıtýynsha, ján­dikterdi saýdaǵa shyǵaratyn kez áli jetken joq. Soǵan qara­mastan, áleýmettik jelidegi jeke paraqshalaryna kelip jatqan suranys kóp.

– Satatyn kezde erterek habar berińizdershi, ózimiz kelip alyp ketemiz degen ótinish­ter kóp túsip jatyr. Kásip­ti óz kúshimizben ashtyq. Biraq ony ári qaraı damytý úshin mem­lekettiń qoldaýyna súıendik. Kásipkerler palatasynda bıznes negizderi kýrsyn támamdap, fermany damytýǵa qajetti qarjy grantyn utyp aldyq. Alaı­da ulý memlekettik reestr­de joq bolyp shyqty. Son­dyq­tan ónimdi naryqqa shyǵarý úshin mem­lekettik sertıfıkat alýǵa týra keledi, – dedi Oksana.

Starkovtar otbasy aldaǵy ýaqytta Tobyl óńirindegi sura­nys­­ty ǵana qamtyp qoımaı, ónim­­­derin oblystan tys aımaq­tar­­ǵa da shyǵarýdy kózdep otyr.

Qostanaı oblysy