Qoǵamdyq kommýnıkasııa ortalyǵynda ótken brıfıngte Mańǵystaý oblysy veterınarııa basqarmasy basshysynyń orynbasary Nursultan Dúısebek Mańǵystaýda qýańshylyq saldarynan qyrylǵan mal sanyn jarııalady, dep habarlaıdy Egemen.kz.
Onyń aıtýynsha, múıizdi iri qara – 51, usaq mal – 534, túıe – 67, jylqy – 569 bas. Bul óńirdegi maldyń 0,2 paıyzyn quraıdy.
«О́lgen maldarǵa ishinara patologanatomııalyq jaryp-soıý, kóterem maldarǵa klınıkalyq tekserý júrgizildi jáne kóterem maldardan qan synamalary zerthanaǵa tapsyryldy. Tekserý nátıjesi boıynsha «Alımentarlyq dıstrofııa» dıagnozy qoıylyp, rastaldy», dedi Nursultan Dúısebek.
Jalpy oblys aýmaǵynda janýarlar arasynda mal shyǵynyna sebep bolatyndaı asa qaýipti jáne juqpaly aýrýlar anyqtalǵan joq.