Juma kúni keshke Ulybrıtanııaǵa kelgen «Arven» daýyly saldarynan úsh adam mert boldy, dep habarlaıdy Egemen.kz Euronews-ke silteme jasap.
Bir kún buryn Birikken Koroldiktiń meteorologııalyq qyzmeti kúshti jeldiń saldarynan el aýmaǵynda qaýiptiń eń joǵary qyzyl deńgeıin jarııalady.
Daýyldyń ekpini 44 m/s-ke jetti. Anglııanyń soltústiginde 112 myń adam elektr jelileriniń úzilýine baılanysty jaryqsyz qaldy.
Sondaı-aq «Arven» daýyly ekpindi jelden bólek, Shotlandııa, soltútik jáne ortalyq Anglııaǵa qar ákelgen.
Senbi kúni tańerteń jel basylyp, bılik muz ben qardyń saldarynan aýa raıy qolaısyz bolatynyn eskertti.