QR Qorǵanys mınıstrligi áskerı ınstıtýtty óz betimen tastap ketken kýrsanttarǵa qatysty resmı túsinik berdi, dep habarlaıdy Egemen.kz.
Mınıstrliktiń málimetinshe, 2021 jyldyń 1 jeltoqsanynda 18.00-den keıin Qurlyq áskerleri áskerı ınstıtýtynyń tórtinshi kýrsynda bilim alyp júrgen 210 kýrsant oqý ornyn óz betinshe tastap ketken.
Búgin saǵat 09.00-de barlyq kýrsanttar sabaqtarynda bolǵan.
Instıtýt bastyǵy general-maıor Dýlat Adyrbekov kýrsanttardyń ınstıtýtty óz betimen tastap ketýin kadrlyq taǵaıyndaýmen kelispeýden, ıaǵnı fakýltet (kýrs) bastyǵynyń aýysýymen baılanysty, sonymen qatar olar burynǵy basshyny qaıtarýdy suraıdy dep túsindirdi.
Kýrsanttardyń ata-analaryna oryn alǵan jaǵdaı týraly aıtylǵan.
Atalǵan fakti boıynsha Qorǵanys mınıstriniń orynbasary general-leıtenant Sultan Qamaletdınovtyń basshylyq etýimen Qorǵanys mınıstrliginiń komıssııasy tergeý júrgizýde.