Áıgili Transfermarkt basylymy fýtboldan Qazaqstan chempıonatynda dop tebetin fýtbolshylardyń transferlik qunyn jarııalady. Jyl basyndaǵy reıtıngte kósh basynda turǵan «Qaırattyń» polshalyq legıoneri Iаsek Gýralskı 500 myń eýroǵa arzandap, ekinshi orynǵa túsip qaldy. Onyń qazirgi baǵasy – 1,8 mıllıon eýro.
Nemistiń áıgili saıtyndaǵy derek boıynsha osy maýsymda «Astana» sapynda sátti óner kórsetken armenııalyq Tıgran Barsegıan el birinshiliginiń eń qymbat fýtbolshysy atandy. Qazirgi tańda onyń transferlik quny – 2,5 mıllıon eýro. Chempıonat basynda ol 2 mıllıon eýromen úshinshi orynǵa taban tiregen edi. Qymbat fýtbolshylardyń úshtigin «Qaırattyń» qorǵaýshysy Nuráli Álip pen «Tobyldyń» shabýylshysy Igor Sergeev (О́zbekstan) túıindep tur. Olardyń transferdegi baǵasy – 1,7 mıllıon eýro. QPL-diń bıylǵy surmergender tiziminde 11 golmen 3-oryn alǵan I.Sergeevtiń baǵasy jyl basynan beri 200 myń eýroǵa artqan.
Keıingi oryndarǵa myna fýtbolshylar jaıǵasqan: Rade Dýgalıch («Qaırat») – 1,8 mln eýro (-200 myń), Hose Kante («Qaırat») – 1,5 mln eýro (+500), Dıno Mıkanovıch («Qaırat») – 1,7 mln eýro (-600), Abzal Beısebekov («Astana») – 1,4 mln eýro, Neboısha Kosovıch («Qaırat») – 1,3 mln eýro (+300), Aleksa Amanovıch («Tobyl») – 1,3 mln eýro.