Orta salmaqtaǵy IBF jáne IBO chempıony qazaqstandyq Gennadıı Golovkın (41-1-1, 36 KO) men WBA Super tıtýlynyń ıegeri japonııalyq Rıota Mýrata (16-2, 13 KO) arasyndaǵy jekpe-jek bıyl ótpeıtin boldy.
Áý basta úsh tujyrym boıynsha chempıondyq ataq sarapqa salynatyn kezdesý 29 jeltoqsanda Japonııada ótedi dep josparlanǵan bolatyn. Alaıda Japonııa bıliginiń koronavırýs pandemııasyna baılanysty qabyldaǵan jańa shekteýlerinen keıin uıymdastyrýshylar jekpe-jekti keıinge shegerýge májbúr boldy. Sebebi eldegi jańa qaýlynyń erejesi boıynsha, endi shetel azamattary Japonııaǵa kire almaıdy. Bul shara álemdi sharpyǵan koronavırýstyń «Omıkron» shtamy taralmas úshin jasalǵan.
Resmı tulǵalar Gennadıı Golovkın úshin jeńildik suraǵanymen, Japonııa úkimeti oǵan kelisim bermegen. Keıinnen aıqastyń bıyl ótpeıtinin otandasymyz Gennadıı Golovkın de, Rıota Mýratanyń isin júrgizetin Teiken promoýterlik kompanııasy da resmı túrde málimdedi