Kúni keshe О́zbekstannyń bas shahary – Tashkentte jalaýy jelbiregen aýyr atletıkadan álem chempıonaty qazaqstandyq sportshylar úshin sátti bastaldy. Tórtkúl dúnıeniń tórt buryshynan jınalǵan myqtylar jarysynyń birinshi kúninde Qazaqstan quramasynyń qorjynyna alǵashqy altyn júlde tústi.
Tashkenttegi dodada 55 kılo salmaq dərejesinde óner kórsetken Arlı Chonteı qossaıys qorytyndysy boıynsha 260 (118+142) kılo ziltemirdi eńserip, álem chempıony atandy. Ekinshi oryndy 256 (115+141) kılony baǵyndyrǵan Taıland ókili Tada Sombýnýan ıelense, úzdik úshtikti bolgarııalyq Anhel Rýsev túıindedi. Ol qossaıysta 254 (110+144) kılony kóterdi.
Aıta keterligi, 2018 jyly Ashǵabadta (Túrikmenstan) ótken jahandyq birinshilikte jerlesimiz 258 (120+138) kılomen ekinshi orynǵa taban tiregen edi. Mine, araǵa úsh jyl salyp ol óz nátıjesin eki kıloǵa jaqsartyp, kúmisin altyn júldege aýystyrdy. Bul – 2012 jyldan beri Qazaqstan týy astynda óner kórsetip kele jatqan Chonteıdiń álem birinshiligindegi alǵashqy altyn medali.
Bir qyzyǵy, buǵan deıin birneshe Azııa jəne əlem chempıonattarynda baq synasa da, altyn tuǵyrdan kórine almaı kele jatqan sportshy bir jylda eki birdeı iri jarystyń bas júldesin jeńip aldy. Iаǵnı osy jyldyń sáýir aıynda ol dál osy Tashkentte ótken Azııa chempıonatynda 255 (115+140) kılo ziltemirdi basynan asyra kóterip, óz salmaǵynda Sary qurlyqtyń teńdessiz aýyr atleti ataǵyn ıelenip edi.
Qazaqstan quramasynan aldaǵy kúnderi jarys jolyna Nurǵısa Ádiletuly (96 kılo), Artem Antropov (96 kılo), Karına Quzǵanbaeva (81 kılo) jáne Aızada Múptildá (+87 kılo) shyǵady. Álem chempıonaty 17 jeltoqsanǵa deıin jalǵasady.