Keshe Iordanııanyń Amman qalasynda ústel tennısinen ITTF World Hopes Week & Challenge týrnıriniń jalaýy jelbiredi. Jarysqa álemniń ár túkpirinen jınalǵan daryndy jas sportshylar qatysýda.
Týrnır erejesi boıynsha, baıraqty básekede 20 er, 20 qyz sportshy baq synaıdy. Olarǵa Eva Djeler (Aýstralııa), Zoltan Batorfı (Majarstan), Pachınte Osman (Mysyr), Matılda Ekholm (Shvesııa), Ahmed Ál-Mohannadı (Qatar) syndy tájirıbeli bapkerler bas-kóz bolyp, aqyl-keńesin aıtady. Jarys qorytyndysy boıynsha úzdikter tańdalyp, ITTF Hopes óz komandasyn jasaqtap shyǵarady. Bul týrnırde Qazaqstan namysyn 12 jastaǵy aqtaýlyq Aqqý Temirhanova qorǵaıdy.