Túrkistan oblysynda janar-jaǵarmaı stansııasyna qaraqshylyq shabýyl jasaldy, dep habarlaıdy Egemen.kz.
Resmı málimetke sáıkes, Shardara aýdanynda ornalasqan janar-jaǵarmaı stansııasyna túnde Daewoo Nexia kóligi kelgen. Ishinen medısınalyq betperde kıgen úsh adam qarý ustap túsken. Al janar-jaǵarmaı stansııasynda eki adam ǵana bolǵan. Bireýi – kassır, ekinshisi – qarapaıym jumysker. Qaraqshylar ekeýin qorqytyp, aqsha talap etken. Sosyn kassadan 120 myń teńgeni alyp, qashyp ketken. Daladaǵy kólikte olardy taǵy bir sybaılasy kútip otyrǵan.
Oqıǵa ornyna barǵan polıseıler kúdiktilerdiń qaı baǵytqa ketkenin anyqtady. Sóıtip, Jetisaı aýdandyq polısııa bólimine habarlasyp, qylmyskerlerdi ustaýǵa attandy. Qaraqshylar 40 shaqyrym shalǵaı jerge ketip qalǵan. Al polısııany kórgen boıda kólikti tastap, qasha jónelipti. Ekeýi qolǵa tústi, ekeýi qashyp ketti.
«Tergeý kezinde eki kúdiktiniń Jetisaı aýdanynyń turǵyny ekeni anyqtaldy. Úshinshisi – Aqmola oblysynyń týmasy, tórtinshisi – Shymkent turǵyny. Tórteýi de buryn sottalǵan. Izdeý sharalary jalǵasyp jatyr», deıdi polıseıler.
Qazirgi kezde Qylmystyq kodekstiń 192-baby boıynsha sotqa deıingi tergeý sharalary bastaldy. Bul bapta múlkin tárkilep, bes jyldan on jylǵa deıingi merzimge bas bostandyǵynan aıyrý jazasy qarastyrylǵan.