Ulybrıtanııanyń Lıverpýl qalasynda ótken boks keshinde qazaqstandyq kásipqoı boksshy Fırýza Sharıpovanyń kepildi tabysy 100 myń AQSh dollaryn quraǵanyn buǵan deıin jazǵanbyz. Endi onyń tolyq tabysy týraly málimet tarady, dep habarlaıdy Egemen.kz.
Jeńil salmaqtaǵy álemniń absolıýtti chempıony Ketı Teılordan jeńilgen Fırýza Sharıpova barlyq eseptesýlerdi qosqanda 660 myń dollar tabys tapqany málim boldy. Bul jekpe-jektiń satylymynan jáne aqyly translıasııadan túsken qarjy esebinen múmkin bolyp otyr.
Buǵan deıingi jekpe-jekterinde eń úlken syıaqysy 50 myń dollarǵa jetken Sharıpova osy joly óz tabysyn on úsh esege arttyrdy.