Taraz qalasy ákiminiń burynǵy orynbasary Qaısar Sarytaı Grýzııada ustaldy, dep habarlaıdy Egemen.kz.
«Jambyl oblysy boıynsha aýmaqtyq departament QR QK-niń 189-babynyń 4-bóligi 2-tarmaǵynyń, 362-babynyń 4-bóliginiń 3-tarmaǵynda kózdelgen sybaılas jemqorlyq qylmysyn jasaý kúdigimen Taraz qalasy ákiminiń burynǵy orynbasary Q.A. Sarytaıǵa halyqaralyq izdeý jarııalady.
Halyqaralyq yntymaqtastyq aıasyndaǵy jedel-izdestirý is-sharalarynyń nátıjesinde Grýzııanyń quqyq qorǵaý organdary Sybaılas jemqorlyqqa qarsy qyzmetpen jáne Qazaqstan Respýblıkasy IIM Interpol UOB – men birlesip K.A.Sarytaı Grýzııa aýmaǵynda ustalyp, qamaýǵa alyndy», delingen habarlamada.
Antıkordyń aıtýynsha, qazir ustalǵan adamdy Qazaqstan Respýblıkasyna ekstradısııalaý rásimi júrip jatyr.
Sybaılas jemqorlyqqa qarsy is-qımyl agenttigi qylmystyq qýdalaý organynan jasyrynǵan adamdardy izdestirýge erekshe nazar aýdarady.
Olardyń kópshiligi qazaqstandyq sot tóreligi úshin qol jetimsiz bolý sharalaryn qabyldaıdy jáne elden tys jerlerde jasyrynyp júr.