QR Úkimeti azamattyq qyzmetshilerge, memlekettik bıýdjet qarajaty esebinen qarjylandyrylatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesine ózgerister engizilý týraly qaýlyny qabyldady, dep habarlaıdy Egemen.kz.
Qaýly boıynsha, atalǵan sala qyzmetkerleriniń eńbekaqy tarıfındegi mólsherlemeler bylaı ózgeredi:
1. Joǵary nemese joǵary oqý ornynan keıingi bilim berý uıymdaryn qospaǵanda, bilim berý uıymdarynyń pedagogteri stavkalardyń belgilengen mólsherine túzetý koeffısıentin qoldana otyryp aıqyndalady:
2022 jylǵy 1 qańtardan bastap 1,75;
2023 jylǵy 1 qańtardan bastap 2 mólsherde.
2. Medısına jáne farmasevtıka qyzmetkerlerin qospaǵanda, memlekettik uıymdardyń: stasıonarlyq jáne jartylaı stasıonarlyq úlgidegi medısınalyq-áleýmettik mekemelerdiń, úıde qyzmet kórsetý, ýaqytsha bolý uıymdarynyń, jumyspen qamtý ortalyqtarynyń basqarýshy, negizgi personaldarynyń qyzmetkerleri stavkalardyń belgilengen mólsherine túzetý koeffısıentin qoldana otyryp aıqyndalady:
2022 jylǵy 1 qańtardan bastap 1,75;
2023 jylǵy 1 qańtardan bastap 2 mólsherde.
3. Medısına jáne farmasevtıka qyzmetkerleri stavkalardyń belgilengen mólsherine túzetý koeffısıentin qoldana otyryp aıqyndalady: biliktiligi joǵary deńgeıdegi mamandar (A blogynyń basqarýshy personaly, V1, V2 blogynyń negizgi personaly):
2022 jylǵy 1 qańtardan bastap 2,63;
2023 jylǵy 1 qańtardan bastap 2,73 mólsherinde belgilenedi.
4. Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine:
2022 jylǵy 1 qańtardan bastap 1,23;
2023 jylǵy 1 qańtardan bastap 1,45;
2024 jylǵy 1 qańtardan bastap 1,71;
2025 jylǵy 1 qańtardan bastap 2 mólsherde.
Qaýly 2022 jyldyń 1 qańtarynan bastap kúshine enedi. Qaýlynyń tolyq mátinimen myna jerde tanysa alasyz.