Qazaqstandyqtar zeınetaqy tólemderiniń esebinen depozıtterin belsendi túrde tolyqtyryp jatyr, dep jazady Egemen.kz.
Enpf-otbasy.kz onlaın-platformasynda - zeınetaqy jınaqtaryn Otbasy bankindegi depozıtke aýdarý múmkindigi paıda bolǵan alǵashqy 6 saǵatyń ishinde qazaqstandyqtar óz depozıtterine 30 mıllıard teńge aýdarǵýǵa ótinim bergen.Otbasy bankiniń tájirıbeli salymshylary memlekettik syılyqaqyny kútip, bolashaqta depozıtterdi eń tıimdi ıpotekalyq baǵdarlamalar boıynsha bastapqy jarna retinde paıdalaný úshin óz depozıtterin 2021 jylǵy 31 jeltoqsanǵa deıin tolyqtyrýǵa asyǵýda.Bul operasııany júzege asyrýǵa múmkindik beretin perne búgin saǵat 10:00-de paıda boldy.Ol úshin enpf-otbasy.kz onlaın-platformasyna ESQ kómegimen kirip, «Maqsatty tańdaý» pernesin basyp, «Turǵyn úı satyp alý» bóliminde «Odan ári jınaqtaý úshin turǵyn úı qurylys jınaq salymyn tolyqtyrý» degen maqsatty tańdaý qajet.Bank bólimshesine barýdyń qajeti joq, barlyq ótinim onlaın qabyldanady.Esterińizge sala keteıik, birjolǵy zeınetaqy tólemderin alý boıynsha onlaın-platformamen jumys isteý kezinde sizge nclayer sertıfıkattaryn ornatý qajet. Sertıfıkattardy Pki.gov.kz saıttynda ornatýǵa bolady.Zeınetaqy jınaqtaryn alý boıynsha barlyq is-shara tek kompıýterden ǵana qoljetimdi bolatynyn este ustaǵan jón. Mobıldi nusqa qol jetimdi bolmaıdy.