«Ýralskıe avıalınıı» áýe kompanııasy 2021 jylǵy 17 jeltoqsannan bastap Qazaqstan men Reseı arasyndaǵy reısterin kezeń-kezeńimen jańartady, dep habarlaıdy Egemen.kz.
Reıster A320 áýe kemesimen kelesi baǵyttarda oryndalady:
- Nur-Sultan-Ekaterınbýrg, aptasyna 1 reıs (dúısenbi);
- Nur-Sultan-Krasnoıarsk, aptasyna 1 reıs (beısenbi);
–Nur-Sultan-Jýkovskıı, aptasyna 3 reıs (seısenbi, juma, jeksenbi);
-Almaty-Sankt-Peterbýrg, aptasyna 1 reıs (dúısenbi);
- Almaty-Ekaterınbýrg, aptasyna 1 reıs (juma).
Áýe reısteri sanıtarııalyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.
Ushýdy qaıta bastaý Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń jáne Reseı Federasııasy Úkimetiniń janyndaǵy Reseı Federasııasynyń aýmaǵyna jańa koronavırýstyq ınfeksııanyń ákelinýi men taralýynyń aldyn alý jónindegi jedel shtab sheshimderine sáıkes júrgiziledi.