2021 jylǵy 20 jeltoqsanda Ashhabad qalasynda Qazaqstan Respýblıkasy Premer-Mınıstriniń orynbasary Roman Sklıardyń jáne Túrikmenstan Mınıstrler kabıneti tóraǵasynyń orynbasary Ch. Gylydjovtyń teń tóraǵalyǵymen ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Túrikmenstan Úkimetaralyq komıssııasynyń 11-otyrysy ótti, dep jazady Egemen.kz.
Komıssııa otyrysy barysynda qatysýshylar ekijaqty yntymaqtastyqtyń kún tártibindegi ózekti máselelerdi, sonyń ishinde saýda-ekonomıkalyq yntymaqtastyqty odan ári damytý perspektıvalaryn, kólik jáne kommýnıkasııalar, qarjy jáne ınvestısııa, aýyl sharýashylyǵy, sý sharýashylyǵy jáne basqa da salalardaǵy ózara is-qımyldy talqylady.
Qorshaǵan ortany qorǵaý, qurylys, mádenıet jáne týrızm, densaýlyq saqtaý, bilim jáne ǵylym, sondaı-aq gaz ben áleýmettik jáne eńbek salalary qarastyryldy.
Túrikmenstan Qazaqstannyń Ortalyq Azııadaǵy mańyzdy saýda seriktesteriniń biri. Bıylǵy jyldyń 11 aıynyń qorytyndysy ózara saýdanyń qarqyndy óskenin aıǵaqtaıdy. Kezdesý qorytyndysy boıynsha Ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Túrikmenstan úkimetaralyq komıssııasynyń 11-otyrysynyń hattamasyna qol qoıyldy.