Jyl basynan beri Nur-Sultan qalasynda ıesiz, qaraýsyz qalǵan 158 nysan anyqtalyp, olar kommýnaldyq menshik retinde qaıta qabyldandy. Bul týraly qalalyq aktıvter jáne memlekettik satyp alý basqarmasynyń basshysy Ersin О́tebaev málim etti, dep habarlaıdy Egemen.kz.
«2019 jyldan bastap aýdan ákimderi jáne quzyrly basqarmalarmen birlesip, elorda aýmaǵynda ıesiz qalǵan nysandardy anyqtaý, tirkeý jumysy jalǵasyp keledi. О́tken jyly jalpy somasy 2 mlrd 878 mln teńgeniń ıesiz qalǵan 680 nysan jáne 60 birlik transformatorlyq qosalqy stansııasy kommýnaldyq menshikke qabyldandy. Bıyl 158 ıesiz nysan anyqtaldy. Onyń somasy 1,8 mlrd teńgeni quraıdy», dedi Ersin О́tebaev qalalyq máslıhattyń qoǵamdyq keńesiniń otyrysynda.
Basqarma basshysynyń málimdeýinshe, sońǵy 2 jyldyń ishinde elorda aýmaǵynda qaraýsyz jatqan 886 nysan anyqtalyp, kommýnaldyq menshik retinde qabyldanypty.
«Atap aıtqanda, 180 shaqyrym elektrmen jabdyqtaý nysany, 34 shaqyrym sýmen jabdyqtaý, 90 shaqyrym káriz jelisi, 59 shaqyrym jylýmen jabdyqtaý jelisi jáne 2227 qudyq bar», deıdi ol.