Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaev «Ulytaý» memlekettik ulttyq tabıǵı saıabaǵyn qurýǵa qansha qarajat jumsalatynyn aıtty, dep habarlaıdy Egemen.kz.
«Ulytaý» memlekettik ulttyq tabıǵı saıabaǵy 2022 jylǵa arnalǵan bıýdjeti 236 mln teńge bolyp otyr. Búgingi tańda bul qarajat respýblıkalyq bıýdjetten bólinedi. 2022 jyldyń birinshi qańtarynan bastap shtat sany jáne basqa da uıymdastyrý máseleleri naqty belgili bolady», dedi Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaev.
Onyń aıtýynsha, memleket ulttyq parkterdi ekonomıkalyq paıda úshin ustap otyrǵan joq.
«Ulttyq parkter qurýdaǵy negizgi maqsat, birinshiden, tabıǵatty kúzetý qyzmeti. Iаǵnı, biregeı tabıǵı keshenderdi qorǵaýǵa baǵyttalǵan. Osyǵan baınalysty Ulttyq saıabaqtardyń tabysyn esepteý ekinshi kezektegi másele dep oılaımyz», dedi komıtet basshysy.