Shymkent qalasynyń ákimi Murat Áıtenov «Ońtústik» telearnasynyń tikeleı efırinde 9 aıda atqarylǵan isterdi qorytyndylap, qala turǵyndarynyń ózekti saýaldaryna jaýap berdi, dep jazady Egemen.kz.
Jyl saıyn shahar basshysynyń qatysýmen uıymdastyralatyn «Ákim saǵaty» baǵdarlamasy arqyly tikeleı saýal joldaýǵa bolatyny týraly kórermenderge aldyn ala habarlanǵan bolatyn. Arnaıy Call ortalyq qurylyp, arnanyń resmı saıty men áleýmettik jelilerde paraqshalar arqyly suraqtar qabyldandy.
Murat Áıtenov baǵdarlama barysynda Shymkent qalasyndaǵy óndiristik, ekonomıkalyq ósimge toqtaldy.
«Qalamyzda ónimdi óńdep shyǵaratyn 71 iri jáne ortasha kásiporyn bar. Atalǵan kásiporyndar qalanyń damýyna óz úlesin qosyp otyr. Bıylǵy jyldyń 9 aıynda 71 óndiristik orny 484 mlrd teńgeni ıgerdi», dedi qala ákimi.
Turǵyndar tarapynan joldanǵan suraqtardyń basym bóligi densaýlyq, shalǵaı eldi mekenderdegi ınfraqurylym, transport jáne qurylys salasyna qatysty boldy.
Sonymen qatar qala ákimi áleýmettik jeli men Call ortalyqqa kelip túsken suraqtarǵa retimen jaýap berdi.