Almatyda jalaýy jelbiregen karateden eresekter arasyndaǵy Azııa chempıonatynyń kezekti kúni qazaqstandyq sportshylar úshin tabysty boldy. Komandalyq jarysta óner kórsetken Qazaqstan áıelder komandasy sary qurlyq dodasynyń qola júldegeri atandy.
Úshinshi oryn úshin ótken básekede Qazaqstan namysyn Tokıo Olımpıadasynyń júldegeri Sofıa Berýlseva, Sabına Zaharova jáne Móldir Jańbyrbaı qorǵady. Olar kishi fınalda Iran quramasynan basym tústi. Keshe Qazaqstan erler komandasymen birge jekeleı básekelerde Móldir Jańbyrbaı (50 kg), Sabına Zaharova (55 kg), Sofıa Berýlseva, Ásel Qanaı (68 kg), Andreı Aqtaýov (55 kg) fınalda baq synady.
Al jastar arasyndaǵy álem chempıony Erkinbek Baıtóreev (60 kg), Dıdar Ámiráli (67 kg), Nurqanat Ájiqanov (75 kg) jáne Beıbarys Jańbyr (84 kg) qola júldege talasty.