ECO Award 2021 medalin tabys etti

Halyqaralyq Túrki aka­de­mııasy, Ulttyq ǵy­lym aka­demııa­sy jáne Sh.Ýálı­hanov atyn­da­ǵy Ta­rıh jáne etnologııa ınstı­tý­tynyń uıymdastyrýymen ótken jıyn barysynda otan­dyq antro­pologııa ǵy­ly­mynyń damýy, ke­le­shegi haqynda ǵalymdar oı tolǵady.

UǴA prezıdenti, akademık, hımııa ǵylymdarynyń doktory, professor Murat Jurynov is-sharanyń tizgi­nin óz qolyna alyp, bul jıyn­nyń Álkeı Marǵulan, Qanysh Sátbaev sııaqty el ǵylymynyń damýyna orasan zor eńbek sińirgen, antro­po­logııa ǵylymynyń ne­gizin qalaǵan Orazaq Sma­ǵul­ulynyń osy jolda tók­ken ter, eseli eńbegine arnalyp otyrǵanyn aıtyp ótti. Sondaı-aq antropologııa ǵylymyndaǵy zert­teý­lerimen qatar akade­mıktiń túbi bir túrki jurtynyń shyqqan tegin zertteýdegi orasan zor murasyna toq­tal­dy. Osy oraıda akademık Murat Jurynov túrki elderi arasyndaǵy yq­pal­dastyqty damytýdyń ma­ńyz­dylyǵyna toqtalyp, eko­nomıkalyq, mádenı hám rýhanı salalardaǵy baı­lanystardyń ári qaraı damı beretindigin atap ótti.

Qazaq halqy men arǵy baba­la­rymyzdyń fı­zı­kalyq antro­pologııasy bo­ıynsha kóp­jyl­dyq keshendi zert­teý­le­riniń nátıje­le­ri Orazaq Smaǵul­ulynyń ondaǵan mono­grafııalyq eńbe­gin­de jáne 400-den astam ǵyly­mı maqa­lalary men baıanda­ma­la­ryn­da kó­rinis tapty.

Ǵa­lym­nyń antro­polo­gııa­daǵy sony zert­­teýleri bú­ginde álem ǵalymdarynyń naza­rynda. Bıyl­­ǵy jyly qarasha aıynda Ashǵa­badta ótken Ekonomıkalyq ynty­maq­tas­tyq uıymyna múshe-mem­leketterdiń XV sammı­tin­de Orazaq Smaǵulovtyń eren eń­be­gi­ne halyqaralyq qoǵam­das­tyq joǵary baǵasyn berdi.

Syrtqy ister mınıstr­liginiń Almaty qalasyndaǵy ókildiginiń basshysy Asqar Shoqybaev sammıt sheń­be­rin­de uıymǵa múshe-elderdiń ókilderi ǵylym men tehnıka salasynda UǴA akademıgi, Bolon ǵylym akademııasynyń korrespondent-múshesi, Sh.Ýá­lı­hanov atyndaǵy mem­le­kettik syı­lyq­tyń laýrea­ty, Qazaqstan Respýb­lı­ka­synyń eńbek sińirgen ǵylym jáne tehnıka qaıratkeri, tarıh ǵy­lymdarynyń doktory, professor Orazaq Smaǵulovtyń esi­mi tarıh, mádenıet, ádebıet jáne beıneleý óneri atalymynda ataldy, dep atap ótti. Osy oraıda ol Syrtqy ister mınıstriniń quttyqtaýy men uıymnyń ECO Award 2021 medalin tabys etti.

Halyqaralyq túr­­ki aka­de­mııa­­sy­nyń vı­se-pre­zı­denti, saıası ǵy­lym­da­r doktory Fızýlı Má­jıd­lı aka­demıktiń osynaý jetis­tigine oraı akade­mııa bas­shy­ly­ǵynyń qut­tyqtaýyn jetkizip, Orazaq Smaǵululynyń antro­­po­lo­gııa ǵylymyn da­my­týǵa qosqan orasan zor eń­be­gine toqtaldy. 

Orazaq Smaǵululy buǵan deıin Túrki akademııasynyń kúmis jáne altyn medaldarymen, sony­men birge Tomsen medalimen mara­pattalǵan bolatyn. Bul joly antropolog ǵalym Aınagúl Sma­ǵu­lovaǵa Halyqaralyq Túrki akade­mııasynyń kúmis medali tabys etildi.

О́z zertteýleri arqyly qazaq halqynyń osynaý Uly dalanyń dara ıesi ekenin dálel­degen Orazaq Smaǵul­uly atap ótkendeı, an­tropo­lo­gııalyq ereksheligi ja­ǵynan qazaqtar Eýrazııada tu­­ryp jatqan halyqtardyń birde-bireýine qosylmaıtyn jeke-dara etnos. Mundaı erek­she­likpen jaratylǵan halyq álemde kemde-kem.

ALMATY