Bul kúnderi Almatyda karateden kezekti Azııa chempıonaty ótip jatqany belgili. Sary qurlyq dodasynyń kezekti kúninde jerlesterimiz úsh altyn, bir kúmis medal jeńip aldy.
Atap aıtqanda, erler arasyndaǵy básekede Andreı Aqtaýov (55 kg), áıelder jarysynda Móldir Jańbyrbaı (50 kg) top jardy. Sonymen qatar komandalyq saıysta Qazaqstannyń erler quramasy da Azııanyń úzdigi atandy. Andreı Aqtaýov altyn medal úshin bolǵan kezdesýde Saýd Arabııasynyń ókili Bargı Iаsırdan basym tússe, Móldir Jańbyrbaı fılıppındik Djýn Sýkti jeńip, altynnan alqa taqty.
Komandalyq jarystyń fınalynda Qazaqstan erler quramasy Iran sportshylarymen kezdesti. Danııar Iýldashev, Nurqanat Ájiqanov jáne Nurnııaz Eldashev bastaǵan jerlesterimiz qarsylastaryn aıqyn basymdyqpen jeńip, Ánuranymyzdy shyrqatty. Sonymen qatar Tokıo Olımpıadasynyń qola júldegeri Sofıa Berýlseva el qorjynyna kúmis júlde saldy. 68 kılo salmaqta óner kórsetken Sofıa fınalda japonııalyq Iýdzýkı Savaıge ese jiberdi.