Orta salmaqtaǵy qazaqstandyq boksshy Jánibek Álimhanuly kelesi jyly WBO tujyrymy boıynsha álem chempıony ataǵy úshin judyryqtasady. Bul týraly otandasymyzdyń isin júrgizetin áıgili Top Rank promoýterlik kompanııasynyń basshysy Bob Arým málimdedi.
«Meniń kompanııamdaǵy qazaqstandyq boksshy Jánibek Álimhanuly kelesi jyldyń basynda orta salmaqtaǵy WBO uıymynyń chempıondyq belbeýin sarapqa salady. Ol – orta salmaqtyń álemdegi eń úzdik boksshysy» dep jazdy Arým óziniń áleýmettik jelidegi paraqshasynda.
Buǵan deıin Búkilálemdik boks uıymy (WBO) otandasymyzdy osy salmaqtaǵy WBO chempıony amerıkalyq Demetrıýs Andradege (31-0, 19 KO) mindetti úmitker qarsylas etken bolatyn. Eki tarap bir mámilege kelý úshin atalǵan uıym kelissózderge 20 kún bergen edi. Biraq eki jaq bir sheshimge kele almaǵan soń, jekpe-jek bás saýdaǵa shyǵaryldy. Ol 15 qańtarda ótedi.