Qazaqstan Prezıdenti Qasym-Jomart Toqaev Ázerbaıjan Prezıdenti Ilham Álıevpen telefon arqyly sóılesti, dep habarlaıdy Egemen.kz.
Memleket basshysy Prezıdent Ilham Álıevti 60 jasqa tolǵan mereıtoıymen quttyqtap, onyń jaýapty memlekettik qyzmetine tabys, baýyrlas ázerbaıjan halqyna baq-bereke tiledi.
Qasym-Jomart Toqaev Ilham Álıevtiń qazaq-ázerbaıjan kópjaqty yntymaqtastyǵyn nyǵaıtýǵa qosqan jeke úlesin joǵary baǵalap, eki el arasyndaǵy strategııalyq seriktestikti odan ári damytýdyń mańyzdy ekenin atap ótti.Qasym-Jomart Toqaev Prezıdent Ilham Álıevtiń abyroıly basshylyǵymen Ázerbaıjannyń áleýmettik-ekonomıkalyq damý isinde jáne halyqaralyq arenada tolaǵaı tabysqa jetkenin aıtty. Prezıdentter kelesi jyly joǵary deńgeıde kezdesý ótkizýge ýaǵdalasty.