Túrkistan oblysynda burynǵy azamattyq nekedegi áıeliniń atynan zańsyz nesıe rásimdegen azamat ustaldy, dep habarlaıdy Egemen.kz.
Bul týraly Otyrar.kz telearnasy málim etti.
Arnanyń habarlaýynsha, Abaı aýdany Polısııa basqarmasyna jergilikti turǵyn aryzdanǵan. Aryzdanýshynyń aıtýynsha, burynǵy azamattyq nekedegi kúıeýi páterine kelip, uıaly telefonyn ashyq túrde ıemdený arqyly atynan jasyryn túrde nesıe rásimdegen. Keltirilgen shyǵyn kólemi 2 mln teńgeni quraǵan. Iаǵnı, aryzdanýshy uıaly telefonyndaǵy qosymshaǵa nesıe boıynsha kelgen habarlamany kórip, ózine zańsyz nesıe rásimdelgenin bilip, polıseılerge júgingen.
Habardy alǵan Abaı APB krımınaldyq polısııa bóliminiń qyzmetkerleri atalǵan jaıtqa qatysy bar azamatty izdeýge kiristi. Jan-jaqty tekserý jumystaryn júrgizip, nátıjesinde azamatty qala aýmaǵynan qolǵa túsirip, basqarmaǵa jetkizdi.
Tergeý barysynda belgili bolǵandaı, ustalǵan azamat alynǵan nesıeni óziniń bas paıdasy úshin jaratyp jibergen.
Qazirgi tańda azamatqa qatysty QR QK 190-babymen (Alaıaqtyq) sotqa deıingi tergeý amaldary júrgizilýde.