Qazaqstannyń birinshi, álemniń 14-raketkasy Elena Rybakına Aýstralııanyń Adelaıda qalasynda ótip jatqan tennısten 500 WTA týrnırin jeńispen bastady.
Osy dodanyń 7-raketkasy bolyp tirkelgen E.Rybakına jańa jyldaǵy alǵashqy kezdesýin dúnıejúzilik reıtıngte 132-orynda turǵan aýstralııalyq Storm Sanderspen ótkizdi. Birinshi partııada qazaqstandyq tennısshi basymdyq tanytty – 6:4. Ekinshisinde aýstralııalyq sportshy 6:1 esebimen ese qaıtarǵanymen, úshinshi, sheshýshi sette E.Rybakına myqtylyq tanytyp, qarsylasynan basym tústi – 6:1. Eki saǵatqa sozylǵan báseke barysynda Elena 9 eıs jasap, 14 breık-poınttyń beseýin paıdalana aldy. Qarsylasy 5 eıs, 4 breıkpen (13 breık-poınt) shekteldi. E.Rybakınanyń ekinshi aınalymdaǵy qarsylasy keıin anyqtalady.