Áýesqoı bokspen qatar kásipqoı boksta da judyryqtasyp júrgen otandasymyz Qamshybek Qońqabaev (4-0, 3 KO) Dúnıejúzilik boks qaýymdastyǵy (WBA) reıtıngindegi kórsetkishin aıtarlyqtaı jaqsartty.
Birinshi aýyr salmaqtaǵy WBA Gold tujyrymy boıynsha chempıondyq beldikti jeńip alǵan Qońqabaev osy uıymnyń reıtınginde toǵyzynshy orynnan tórtinshi orynǵa deıin kóterildi. Ázirshe bul salmaqtyń kóshin kýbalyq Iýnıel Dortıkos (25-2, 23 KO), reseılik Alekseı Egorov (11-0, 7 KO) jáne Shvesııa ókili Badý Djek (25-3-3, 15 KO) bastap tur.
Aıta keteıik, Q.Qońqabaev 2021 jyldyń jeltoqsanynda Almatydaǵy boks keshinde brıtanııalyq Stıven Ýordty (13-2, 4 KO) tehnıkalyq nokaýtpen jeńip, WBA Gold tıtýlyn jeńip alǵan edi.